1 flakon quyidagilarni saqlaydi:
faol modda: 1000 mg seftazidimga ekvivalent bo’lgan inyeksiya uchun natriy karbonati bilan seftazidim pentagidrati.
Belazidim kattalar va bolalarda, shuningdek yangi tug’ilgan chaqaloqlardagi quyidagi kasalliklarni davolash uchun qo’llaniladi:
- og’ir infeksiyalar, shuningdek kasalxona ichi infeksiyalari (septitsemiya, bakteremiya, peritonit, bakterial meningit)
- taxminan bakterial infeksiya bilan bog’liq febril neytropeniyasi bor bemorlar
- kasalxona ichi pnevmoniyasi, mukovistsidoz bilan kasal bo’lgan bemorlarda yuqori nafas yo’llari infeksiyalari
- surunkali yiringli o’rta otit, xavfli otit
- siydik chiqarish yo’llarining asoratlangan infeksiyalari
- teri va yumshoq to’qimalarning asoratlangan infeksiyalari
- suyak va bo’g’imlar kasalliklari
- asoratlangan intraabdominal infeksiyalar
- dializ o’tkazilishi bilan bog’liq peritonit (uzluksiz ambulator peritoneal diyalizda)
- prostata bezi operatsiyalarida infeksion asoratlarni oldini olish uchun (transuretral rezektsiya) davolash uchun qo’llaniladi.
Belazidimni buyurishda uning asosan, aerob grammanfiy bakteriyalar bilan chegaralanib qoluvchi antibakterial faollik spektrini e’tiborga olish kerak.
Agar taxmin qilinayotgan kasallik qo’zg’atuvchi faollik spektriga kirmasa, u holda Belazidimni boshqa antibakterial preparatlar bilan birga kombinatsiyada qo’llash zarur.
Belazidim vena ichi inyeksiyasi, infuziya yoki mushak ichiga chuqur yuborish orqali yuboriladi. Preparatning dozasi va davolash kursi kasallikning og’irlik darajasi, infeksiyaning joylashuvi va qo’zg’atuvchining ta’sirchanligi, bemor yoshi va og’irligi, buyraklar faoliyatiga qarab individual tarzda belgilanadi.
Bolalar: yangi tug’ilgan chaqaloqlar va ≤ 2 oylik bolalarda Belazidim preparatini vena ichiga doimiy ravishda infuziya bilan yuborilishi xavfsizligi va samaradorligi o’rnatilmagan.
Keksa yoshdagi bemorlar: o’tkir kasalliklarga chalingan keksa yoshdagi bemorlarda seftazidim klirensi kamayishini hisobga olib, sutkalik doza, ayniqsa 80 yoshdan oshgan bemorlarda 3 g dan oshirilmasligi kerak.
Jigar yetishmovchiligi: engil va o’rtacha darajada jigar yetishmovchiligida preparat dozasini o’zgartirishga hojat yo’q, og’ir jigar yetishmovchiligida qo’llanilishi haqida tajriba mavjud emas.
Kuchli yuqumli kasalliklarga chalingan bemorlarda bir martalik dozani 50% ga oshirish yoki shunga mos ravishda yuborish chastotasini ko’paytirish mumkin. Bunday bemorlarda Belazidimning plazmasidagi miqdorini nazorat qilish tavsiya etiladi.