Bir tabletka quyidagilarni saqlaydi:
faol modda: azitromitsin dihidrati 524,0 mg, 500 mg azitromitsin bo’yicha
yordamchi moddalar: pregelatinlangan kraxmal, kopovidon, kam almashinadigan gidroksipropil sellyuloza, suvsiz kaltsiy gidrogenfosfati, krospovidon, talk, magniy stearati, natriy lauril sulfati, tozalangan suv*, etanol 96%.
qobiq tarkibi: gipromelloza, makrogol 6000, talk, titan dioksidi, dimetikon, tozalangan suv*.
*Ishlab chiqarish jarayonida olib tashlanadi.
Preparatga sezgir mikroorganizmlar chaqiradigan yuqumli va yallig’lanish kasalliklari:
- o’tkir bakterial sinusit
- o’tkir bakterial o’rta otit
- faringit, tonzillit
- o’tkir va surunkali bronxit, interstitsial va alveolyar pnevmoniya
- follikulit, sellulit, qizilo’ngach kabi yengil va o’rtacha og’irlikdagi terining va yumshoq to’qimalarning infeksiyalari
- Chlamydia trachomatis keltirib chiqaradigan asoratlanmagan uretrit va servitsit.
Jasmed 500 mg tabletkalari ovqat iste’mol qilinishidan qat’iy nazar qabul qilinadi.
45 kg dan ortiq vaznli bolalar va o’smirlar, kattalar va keksa yoshdagi odamlarga: sutkada 500 mg dan 3 kun davomida buyuriladi (kurs dozasi – 1,5 g).
Chlamydia trachomatis bilan chaqirilgan asoratlanmagan uretrit va / yoki servitsit uchun 1 g bir marta buyuriladi (2 tabletka 500 mg).
Agar preparatning bitta dozasi o’tkazib yuborilgan bo’lsa, o’tkazib yuborilgan dozani iloji boricha erta qabul qilish lozim, keyingilari esa 24 soat oralig’ida qabul qilinishi lozim.
45 kg dan kam bo’lgan bolalar va o’smirlar:
Azitromitsin tabletkalari 45 kg dan kam bo’lgan bemorlarga to’g’ri kelmaydi. Boshqa dori vosita shakllari ushbu bemorlar guruhiga mo’ljallangan.
Keksa bemorlar:
Keksa bemorlarda preparat kattalar uchun bir xil dozalarda qo’llaniladi.
