har 5 ml eritma quyidagilarni saqlaydi:

faol modda: 100 mg oddiy temirga ekvivalent bo’lgan temir gidroksidi saxaroza kompleksi

yordamchi moddalar: ineksiya uchun suv etarli miq.

Temir tanqisligi holatlari:

• temir miqdorini tez tiklash zarurati tug’ilganda (shu jumladan temir tanqisligi anemiyasi va o’tkir postgemorragik anemiya);
• temirning peroral preparatlarini qabul qila olmaslik yoki muolaja tarkibiga rioya qilinmaganda;
• ichakning faol yallig’lanish kasalliklari mavjud bo’lganda, temirning peroral preparatlarini qo’llash mumkin emas.

Doza kasallik og’irligiga, organizm holatiga, bemorning yoshiga, vazniga va buyrak faoliyatiga qarab aniqlanadi.

V/i (oqim bilan yoki tomchilatib) yoki dializ tizimining venoz qismiga yuboriladi.

Birinchi terapevtik dozasini yuborishdan avval sinama-dozasini yuborish zarur. Agar kuzatuv davrida dorini qabul qila olmaslik belgilari kuzatilsa, darhol to’xtatish lozim.

Doza individual tarzda, temirning organizmdagi umumiy tanqisligini hisobga olgan holda maxsus formula orqali hisoblanadi.

Tomchilatib yuborish:

Arterial bosimning (BP) yaqqol pasayishi va eritmani venoz oldi bo’shlig’iga tutish xavfini kamaytirish uchun Lindaferni tomchili infuziya yordamida yuborish afzaldir. Bevosita infuziyadan oldin preparatni 0,9% li natriy xlorid eritmasida 1:20 nisbatda (masalan, 1 ml (20 mg temir) ni 20 ml 0,9% natriy xlorid eritmasida) eritish lozim. Olingan eritma qo’yidagi tezlikda yuboriladi: 100 mg temir – 15 daqiqadan kam bo’lmagan vaqtda; 200 mg temir – 30 daqiqa davomida; 300 mg temir – 1,5 soat davomida; 500 mg temir – 3,5 soat davomida. Tana vazniga nisbatan 7 mg/kg temirni tashkil qiladigan maksimal qabul qilina oladigan bir martalik dozani yuborish preparatning umumiy dozasidan qat’iy nazar kamida 3,5 soat davomida amalga oshirilishi lozim.

Preparatning birinchi terapevtik dozasini yuborishdan oldin sinov dozasini yuborish lozim: 1 ml preparat (20 mg temir) kattalar va tana vazni 14 kg dan yuqori bo’lgan bolalarga, 15 daqiqa davomida. Nojo’ya holatlar bo’lmasa, eritmaning qolgan qismini tavsiya etilgan tezlikda yuborish lozim.