Bitta kapsulada quyidagilarni saqlaydi:

faol modda: flukonazol 50 mg, 150 mg va 200 mg;

yordamchi moddalar: laktoza monogidrati, makkajo’xori kraxmali, kolloid suvsiz kremniy dioksidi, magniy stearati, natriy laurilsulfati;

bo’sh kapsulada tarkibi: (50 mg dozalash uchun): jelatin, patentlangan ko’k V (E131), xinolin sariq (E104), temir (III) oksidi qizil (E172), titan dioksidi (E171), temir (III) oksidi sariq (E172) (150 mg va 200 mg dozalash uchun): jelatin, titan dioksidi (E171).

Fobos kattalardagi quyidagi kasalliklarni davolash uchun ko’rsatiladi:
– kriptokokkli meningit
– koksidioidomikoz
– invaziv kandidoz
– shilliq qavatlar kandidozi, shu jumladan orofaringeal kandidoz, qizilo’ngach kandidozi, kandiduriya va teri va shilliq qavatlarning surunkali kandidozi
– surunkali atrofik og’iz bo’shlig’ining kandidozi (tish protezlarini taqish bilan bog’liq)
– o’tkir yoki qaytalanuvchi qin kandidozi, kandidozli balanit (mahalliy davolashni qo’llab bo’lmaganda)
– dermatomikozlar, shu jumladan oyoq kafti, tana, chov qismi dermatofitiyalari, kepaksimon (rang-barang) temiratki va tirnoqlar dermatofitiyasidagi (onixomikoz) terining kandidozli infeksiyalarini boshqa preparatlar bilan davolash imkoni bo’lmaganda qo’llaniladi.

Fobos kattalardagi quyidagi kasalliklarning oldini olish uchun ko’rsatiladi:
– kriptokokkli infeksiyaning qaytalanishi
– OITS ga chalinganlarda orofaringeal yoki qizilo’ngach kandidozining qaytalanishi
– qin kandidozining qaytalanish tezligini kamaytirish uchun
– davomli neytropeniya bilan xastalangan bemorlarda kandidozni oldini olish uchun (o’zak hujayralari transplantatsiyasidan keyin kimyoterapiya olayotgan gemoblastozli bemorlar).

Fobos kattalarda qo’llaniladi. Kapsulalarni ovqatdan qat’iy nazar (butunligicha) ichga qabul qilinadi. Davolash muddatining etarli bo’lmasligi kasallikni qaytalanishiga sabab bo’lishi mumkin.