eritmaning bir ml quyidagilarni saqlaydi:

faol modda: 1 mg Olopatadinga teng bo’lgan Olopatadin gidroxloridi,

yordamchi moddalar: benzalkoniy xloridi, dinatriy fosfati digidrati, natriy xloridi, xlorid vodorod kislotasi 3,6%li eritma, natriy gidroksidi 4%li eritma, in’yeksiya uchun suv.

• allergik kon’yuktivitlar

Mahalliy qo’llanilish uchun: shikastlangan ko’z (lar) ning pastki kon’yunktiv qopchasiga kuniga ikki marta 1 tomchidan tomiziladi, 3 yoshdan katta bolalarda kattalardagidek dozanaladi. Agar zarurat tug’ilsa, davolanishni to’rt oygacha davom ettirish mumkin.

Davolash davomiyligini davolovchi shifokor belgilaydi.

Keksa yoshdagi odamlarda, buyrak yoki jigar yetishmovchiligi bo’lgan bemorlarda dozaga tuzatish kiritish talab etilmaydi. Ko’z uchun boshqa mahalliy dori vositalari bilan majmuaviy terapiyada ularning qo’llanilishi orasidagi interval kamida besh minutni tashkil qilishi kerak.

Ko’z surtmalarini oxirida qo’llash lozim. Flakon tarkibini ifloslanishini oldini olish uchun pipetkaning uchini ko’zga yoki biron bir boshqa yuzalarga tegkizmaslik zarur. Flakonni foydalanish oralig’ida zich yopilgan holda saqlang.