Bir gramm krem quyidagilarni saqlaydi:
faol moddalar: mometazon furoati 1 mg,
yordamchi moddalar: geksilenglikol, tozalangan suv, oq asalari mumi, propilenglikol monopalmitostearati, stearil spirti, titan dioksidi (E 171), kraxmal alyumin-oktenil suksinati, oq yumshoq parafin, fosfat kislotasining 10%li eritmasi (pH ni tuzatish uchun).
Kattalar va bolalarda psoriazda (tarqalgan psoriatik plastinkalardan tashqari) va atopik dermatitda yallig’lanish va qichishish ko’rinishlarini davolashda qo’llaniladi.
Vegtazon kremi terining shikastlangan sohalariga yupqa qavat qilib kuniga bir marta surtiladi. Preparat bilan davolash kursi davolovchi shifokor tomonidan belgilanadi va kasallikning og’irlik darajasiga bog’liq.
Bolalarda yoki yuz sohasida mahalliy kortikosteroidlarni qo’llashni davolashdan samaraga erishish uchun zarur bo’lgan minimal hajmgacha cheklash kerak. Davolash davomiyligi 5 kundan oshmasligi kerak.
Bolalar:
Preparat bilan davolaganda minimal samarali terapevtik dozani qo’llash kerak, davolash davomiyligi 5 kundan oshmasligi kerak.
Buyrak va / yoki jigar faoliyati buzilishi bo’lgan bemorlar:
Ko’rsatilgan dozaga tuzatish kiritishni zarurati yo’q.
