50 мг/500 мг ли 1 таблетка қуйидагиларни сақлайди:

фаол моддалар: 50 мг вилдаглиптин ва 500 мг метформин гидрохлориди;

ёрдамчи моддалар: магний стеарати, opadry 05F32897 сариқ ранг берувчиси, тозаланган сув.

буёвчиси: титан диоксиди, темир оксиди (сариқ)

50 мг/850 мг ли 1 таблетка қуйидагиларни сақлайди:

фаол моддалар: 50 мг вилдаглиптин ва 850 мг метформин гидрохлориди;

ёрдамчи моддалар: магний стеарати, opadry 05F32897 сариқ ранг берувчиси, тозаланган сув.

буёвчиси: титан диоксиди, темир оксиди (сариқ)

50 мг/1000 мг ли 1 таблетка қуйидагиларни сақлайди:

фаол моддалар: 50 мг вилдаглиптин ва 1000 мг метформин гидрохлориди;

ёрдамчи моддалар: магний стеарати, opadry 05F32897 сариқ ранг берувчиси, тозаланган сув.

буёвчиси: титан диоксиди, темир оксиди (сариқ).

Қандли диабетнинг II типи бўлган пациентлар учун:

- қандли диабетнинг II типида метформин ёки вилдаглиптин билан монотерапиянинг самарадорлиги етарли бўлмаганда гликемияни назоратини яхшилаш учун парҳез билан даволаш ва жисмоний машқларга қўшимча сифатида;

- аввал метформин ва сульфонилмочевина ҳосилалари билан даволанган гликемиянинг адекват назоратига эришилмаган қандли диабетнинг II типи бўлган пациентларда гликемияни назоратини яхшилаш учун сульфонилмочевина билан мажмуада (учламчи даволаш) парҳез билан даволаш ва жисмоний машқларга қўшимча сифатида;

- аввал барқарор дозада инсулинотерапия ва метформин қабул қилган гликемиянинг адекват назоратига эришилмаган қандли диабетнинг II типи бўлган пациентларда гликемия назоратини яхшилаш мақсадида инсулин билан мажмуада парҳез билан даволаш ва жисмоний машқларга қўшимча сифатида даволаш учун қўлланади.

Катталар

Препарат қандли диабетнинг II типида гипергликемияга қарши восита сифатида қўлланилганида унинг дозаси самарадорлиги ва ўзлаштираолинишига қараб индивидуал равишда танланади. Вилгалин Мет препарати буюрилганида вилдаглиптиннинг максимал суткалик дозасидан (100 мг) ошмаслиги керак.

Вилгалин Мет препаратининг тавсия этилаётган бошланғич дозаси пациентнинг ҳолатга ва/ёки пациентнинг ҳозирги кунда қабул қилаётган вилдаглиптин ва/ёки метформин гидрохлоридининг тегишли дозасига асосланган бўлиши керак.

Метформин гидрохлоридининг меъда-ичак йўллари томонидан ножўя таъсирларидан сақланиш учун Вилгалин Мет препаратини овқатланиш вақтида қабул қилиш керак.

Агар Вилгалин Мет препаратининг дозаси ўтказиб юборилган бўлса, уни пациент эслагани заҳотиёқ қабул қилиши керак. Бир кунда икки марта доза қабул қилиниши мумкин эмас.

Ҳолати вилдаглиптин билан монотерапияда тегишли тарзда назорат қилинмайдиган пациентлар учун бошланғич доза:

Метформин гидрохлоридининг одатдаги бошланғич дозалари (500 мг суткада икки марта ёки 850 мг кунига бир марта)га асосланиб, Вилгалин Мет препарати билан даволашни терапевтик жавобнинг адекватлигини баҳолагандан кейин аста-секин титрлаб, 50 мг/500 мг таблеткаларини қабул қилишдан бошлаш мумкин.

Ҳолати метформин гидрохлориди билан монотерапияда тегишли равишда назорат қилинмайдиган пациентлар учун:

Вилгалин Мет препаратининг бошланғич дозаси вилдаглиптиннинг 50 мг дан кунига икки марта ( суткада 100 мг дозада) ва пациентнинг аввал қабул қилаётган метформин дозасини таъминлаши керак.

Алоҳида препаратлар кўринишидаги вилдаглиптин ва метформин билан мажмуавий даволашдан ўтаётган пациентлар учун:

Вилгалин Мет препаратини қабул қилишни пациент томонидан қабул қилинаётган вилдаглиптин ва метформиннинг дозасига асосланиб ҳар қандай дозадаги таблеткалардан: 50 мг/500мг, 50 мг/850 мг ёки 50 мг/1000 мг бошлаш мумкин.

Аввал диабетга қарши препаратлар билан даволанмаган пациентлар учун бошланғич доза:

Вилгалин Мет препарати билан даволашни терапевтик жавобнинг адекватлигини баҳолагандан кейин аста-секин титрлаб, 50 мг/500 мг таблеткаларини қабул қилишдан бошлаш мумкин.

Метформин ва сульфонилмочевина билан иккиламчи мажмуада ҳолати талаб даражасида назорат қилинмаётган пациентлар учун:

Вилгалин Мет препаратининг дозаси кунига икки марта 50 мг вилдаглиптин (суткада 100 мг дозада) ва пациент томонидан қабул қилинаётган метформиннинг дозасини таъминлаши керак. Агар Вилгалин Мет препарати сульфонилмочевина билан мажмуада қабул қилинаётган бўлса, гипогликемия ривожланиши хавфини камайтириш учун сульфонилмочевинанинг пастроқ дозаларини буюриш имконини кўриб чиқиш керак.

Инсулин ва метформиннинг максимал ўзлаштираолинадиган дозаси билан мажмуадаги талаб даражасида назорат қилинмайдиган пациентлар учун:

Вилгалин Мет препаратининг дозаси кунига икки марта 50 мг вилдаглиптин (суткада 100 мг дозада) ва пациент аввалдан қабул қилаётган метформиннинг дозасини таъминлаши керак.

Тиазолидиндион билан таркибида уч компонентли мажмуавий даволашда вилдаглиптин ва метформиннинг хавфсизлиги ва самарадорлиги аниқланмаган.

Пациентларнинг алоҳида гуруҳлари:

Кекса ёшдаги (≥65 ёш) пациентлар.

Метформин буйрак орқали чиқарилганлиги туфайли, кексаларда эса уларнинг фаолиятини сусайишига мойиллик мавжудлиги сабабли, ушбу ёш тоифасидаги пациентларда Вилгалин Мет препарати билан даволаш вақтида буйракнинг функционал ҳолатини вақти-вақти билан назорат қилиш керак. ≥65 ёшдаги кекса пациентлар учун Вилгалин Мет препаратининг дозасига буйрак фаолиятига қараб тузатиш киритиш керак.

Буйрак фаолиятини бузилиши бўлган пациентлар

Креатинин клиренси минутига 60-90 мл (буни қон зардобидаги креатинин даражасига қараб Кокрофт-Голт формуласи бўйича ҳисоблаш мумкин) бўлган буйрак етишмовчилиги бўлган пациентларда Вилгалин Мет препаратининг дозасига тузатиш киритиш талаб этилиши мумкин. Креатинин клиренси <60 мл/мин бўлган пациентларда Вилгалин Мет препаратини қўллаш мумкин эмас.

Жигар фаолиятини бузилиши бўлган пациентлар

Жигар етишмовчилигининг клиник ёки лаборатория кўринишлари бўлган пациентларда, шу жумладан даволашни бошлашдан олдин АЛТ ёки АСТ фаоллиги норманинг юқори чегарасидан 2,5 мартадан кўпроқ юқори бўлган ҳолатларда Вилгалин Мет препаратини буюриш тавсия этилмайди.

Педиатрик пациентлар

Болаларда Вилгалин Мет препаратини қўллашнинг хавфсизлиги ва самарадорлиги аниқланмаган. Шунинг учун 18 ёшдан кичик пациентларга Вилгалин Мет препаратини буюриш тавсия этилмайди.